الشاعرة انتصار محمد حسين تكتب.. السادس من اكتوبر 

السادس من أكتوبر
العاشر من رمضان
سنة تلاتة وسبعين
والأرض…
عطشانة قتال
..

الشاعرة انتصار محمد حسين تكتب..

السادس من اكتوبر 

…
كلمة وقالها نسور الجو
ضربة ..وضربوها الشجعان
كلمة ..وقالها وحوش الجيش
اللي يخطي أرض الشرفا
نفسه يدنَّسها ويخربها
يحرم والله عليه العيش
….
خرج المدفع ويا الدبابة
وفرشنا أراضينا ديابة
نسور في الجو
ووحوش ع الأرض
والله أسودنا مهومش غلابة
عارفين ياخدوا ازاي التار
عارفين يمحوا سنين العار
وإزاي يكسروا شوكة الغدار
..
أصل عقيدة جيشنا المصري
اللي يقرب ييجي و يجرب
أصل إيمانه مهوش مُستغرَب
جيشنا مافيهوش غير رجالة
ولا مرتزقة ولا ناس كدة عالة
ولا إخوانجي بمليون وش
جيشنا أصيل عمره ما بيغش
كل إيمانه يحمي بلاده
كل عقيدته مصر حبيبته
لافيوم يجري ورا أطماعوا
ولامرة لغيرها بينصاعوا
حب بلاده عهد عليه
طب فيه اكتر من كدة إيه؟
….
…حرب أكتوبر ملحمة حقيقية
نصر اكتوبر من الله هدية
أصل جنودنا لما بتوعِد
بالنصر .. ما بتخلفش
الوعد…
أصل جنودنا وش السعد
ييجي النصر كدة زي المية
أصل جنودنا مِية مِية
…
قالوا وعادوا عليه الخونة
كل كلامهم ولابيهزه
هو اللي اتربى يصون الأرض
ييجي في يوم وفار يهِّده؟؟!
جيشنا هَدَّ الدنيا هَدَّ
جيشنا عظيم مافي زيه حد
قولوا وعيدوا مهما تقولوا
عمر الخونة ما بتحمي العرض
…
حرب أكتوبر ملحمة حقيقية
نصر اكتوبر قرآن مترتل
كل آياته كانت محمية
أصل الخالق…. حامي أرضه
….
حرب… وضرب.. وكَر.. وفَر
والمحتل سَلِّم وانذل
لولا ملايكة رب الكون
حارسة جنودنا مهما يكون
مصر إسمها في القرآن
وحفظ الله ليها مضمون
كلمة وقالها الرجالة
اللي يخطي ييجي ويقرب
ييجي يواجه ياريته يجرب
يحميكوا ربي يا كل جنودنا
ويرحم ربي كل الشُهدا
….

السادس من أكتوبر
بقلم الشاعرة …انتصار محمد حسين