شوفتك كتير فى وشوش
بس العسل مغشوش
لون العسل غامق
مش صافى ولا رايق
طعم المرار دايق
وف حلقي شئ محبوس
طالع ومش طالع
فيه المذاق مايع
مين فيا كان بايع
عفريت هنا فى فانوس
طلع فى وقت غروب
رسم الكلام الوان
غنا فى ألف مكان
قال العسل أنهار
فيها الجمال جاري
بس الخريف مالي
اركانك الخضره
سكن الخريف بكره
وعامك الجاري
إتهز شئ فيا
وإرتد زلزالي
فى زمنك المنحوس
صوت الغراب عالي
بيغني ع الأشلاء
وف ليلك الكداب
وف فجرك الناري
طقس الحرارة غريب
شب الحريق بحريق
مغزول على عُقدك
محروق هنا وردك
كداب طلوع فجرك
طبع البلاء ف وحوش
نهشين شروق شمسك
هتكين منام حلمك
سارقين عسل وغموس
بين المعابد زار
والرقص والتطبيل
ليها طقوس وطقوس
والفن له أنواع
واللعب بالأوجاع
والطير فى حضنك جاع
محتاج لنص رغيف
شكل المناخ ده مُخيف
والوضع مش مألوف
مادد إيدية بشوق
ف عيوني طالع خوف
على كل أيامك
واقف على بابك
المزيد من المشاركات
بتسوّل البسمة
او حتى دي اللمسة
وابوس انا خدك
وارتاح على حضنك
وأشم يوم عطرك
يا جميلة الجميلات
فى الشرق والقارات
فيكي قصص حكايات
كم غدر فيكي وبات
لكن ما بيدومشي
راجع شروق شمسي
هيطل ف جبينك
تاني هغنيلك
يا بهية يا سمرة
طعم الأمال مُره
زادت وأهي صعبه
فى ليلك القاسي
بيزيد فى أنفاسي
نبض الحنين وغيوم
على خدك الشاحب
فستانك المقطوع
مكشوف ومن جسدك
وشعرك المفرود
لون السواد رَسمك
دبلان أووووي رمشك
حاكي المرار ننك
والطرحة مرمية
نازله على كتفك
صاحية مع نايمة
بين العيون أحلام
جارية بألف كبوس
شوفتك كتير فى وشوش
بس العسل مغشوش
لون العسل غامق
مش صافي ولا رايق
طعم المرار دايق
وف حلقي شئ محبوس
وااااااه وألف اهاااااااااات
بالصرخة والكلمات
وبسرعة الدقات
عاشق وانا الهيمان
فيكي من العاشقين
بس الغرام له قيود
منعاني أوصلُلك
وف ليلك المنحوس
ساكنه الدروب دي لصوص
سارقة شروق شمسك
….
