محمود المهدي يعلن إنفصاله عن منه عرفة
محمود المهدي يعلن إنفصاله عن منه عرفة
كتبت: مريم اشرف
أعلن الفنان محمود المهدي، إنفصاله عن الفنانة منة عرفة، بعد عقد قرانهما قبل نحو 5 أشهر.
نشر الفنان محمود المهدي عبر حسابه الشخصي بموقع تبادل الصور والفيديوهات الشهير “انستجرام” : تم الانفصال كل حاجة قسمة ونصيب وربنا يوفقها في حياتها اللي اختارتها”.
وبعد ساعات قليلة نشر ايضًا “الناس اللي بتتصل وتسأل خلاص كل حاجه قسمة ونصيب
وانا كراجل شرقي صعيدي في حاجات مش هتنفع معايا وهتوقفها عن حلمها وشغلها واصدقائها
ف الوسط الفني فا أكيد مش هقف في دا وربنا يكرمها في المجال الفني وتوصل أعلى حاجة فيه وبالتوفيق للجميع”.
ويذكر أن محمود المهدي ومنه عرفة أقاما عقد قرانهما أواخر شهر يونيو الماضي
وشارك محمود المهدي حينها صورته مع منه عرفة معلقًا: الحمدلله تم كتب الكتاب اليوم
بحضور أفراد العائلة فقط، وهنعمل فرح إن شاء الله بعد فيلم 666.
فيما كتبت منه عرفة: وكتبنا الكتاب في جو عائلي جدًا.. تم عقد قراني، والحمد لله الذي بنعمته تتم الصالحات.. اللهم بارك لنا وبارك علينا وأجمع بيننا في خير.
وقالت الفنانة منة عرفة في وقت سابق، إنها لا ترغب في عمل حفل زفاف
والسبب في ذلك أن فكرة الفرح يستفيد منها المدعوين للحفل وليس الزوجين.
وأوضحت منه عرفة خلال إستضافتها في برنامج The insider: كنت أرغب في عمل حفل زفاف اليوم قبل الغد
ولكن الموضوع صعب، وكل البنات المقبلة على الزواج ستفهمني.. فكرة جلوسي مع منظم لحفل الزفاف صعبة وأنا مش فاهمة حاجة في الكلام ده، أنا بالنسبة لي تزوجت من الأساس.
وتابعت: أنا شايفة أن الفرح فكرته زيطة، وإحنا بنتبهدل في الفرح، وبنصرف فلوس كتير جدًا
الناس اللي بتيجي هي اللي بيتعمل لها فقرات، وبتأكل وتشرب وبتكون مرتاحة
ليقاطعها الحديث زوجها قائلًا: ومش بيعجبهم، وفي النهاية بيتريقوا على الفرح
ويقولوا شوف العروسة لابسة إيه، وليه التربيزات عاملة كده، وأنا بشوف الكلام ده بيحصل فعلًا.
والجدير بالذكر أن محمود المهدي تزوج مرتين قبل إعلان زواجه رسميًا للمرة الثالثة من منه عرفة، ولديه 3 بنات من زوجته الأولى.
