أحمد صلاح حسني لبرنامج “سهرانين”.. عملت أغاني مع حماقي وشغلي معاه ممتع لأنه صديقي
أحمد صلاح حسني لبرنامج “سهرانين”.. عملت أغاني مع حماقي وشغلي معاه ممتع لأنه صديقي
كتب: أحمد خطاب
حل النجوم أحمد صلاح حسني وهبة مجدي وإيمان الشميطي، ضيوفًا في برنامج “سهرانين”
يقدمه النجم والإعلامى أمير كرارة، المذاع على قناة ON.
تحدث أحمد صلاح حسني عن كواليس عمله بالتلحين مع المطرب حماقى وعمرو دياب قائلًا: “عملت أغاني كتير مع حماقي
وشغلي معاه شيء ممتع لأنه صديقي وصاحبي جدًا وشبه بعض في التفكير ومش بنختلف في المزيكا واللي بيعجبني بيعجبه”.
وتابع أحمد صلاح حسنى الحديث، قائلًا”: عملت أغنية مع حماقي اسمها “مش قادر انسى”،
من كلمات أمير طعيمة والأغنية لها قصة كنت مشغول جدًا في التصوير وحماقي مشغول في تحضير الألبوم ومش عارفين نتقابل خالص،
لأننا كنا عاوزين نعمل أغنية ومفيش وقت خالص، ولما اتقابلنا في مرة
قالي أنا عامل جملة ومش عارف أعملها دخول وهو جرب كذا شخص ومعجبهوش،
فقلتله طيب ولما شغلها حسيت إنها أغنية بتضحك، وروحت قايل دخلة الأغنية،
ولما عجبته راح قايل غناها وأمير طعيمة كتب كلمات الأغنية في يومين وعملنا اللحن والأغنية عجبت الناس”.
تحدث أيضًا عن عمله مع عمرو دياب قائلًا:” كنت لسه في بداية فكرة التلحين ولقيت أمير طعيمة بيكلمني
وبيقولي أغنيتك لحنها عاجب الهضبة اللي هي أغنية “أنا معاك برتاح، وراح قالي خد كلم الهضبة
وبعد ما كلمني قالي سمعهاني كدة لأن الأغنية خطيرة في التليفون وتعالى اقعد معانا وانت جاي سمعهالي، وعجبته جدًا وعقبال لما روحت لقيتهم بدأوا يوزعوها “.
