الحاكم الفعلى “شبة اله” … بقلم / محمد زيدان
الحاكم الفعلى “شبة اله”
بقلم / محمد زيدان
رئيس لمنظمة ارهابية عفوا قصدى سياسية ونظرا لاهميتة واناقتة وجاذبيتة لفت انظار احدى جميلات العرب الحاضرين فى المكان فاقدمت علية من باب التعارف ومن هنا بدات السهرة ياسولى:
*******************
سالتنى بتشتغل اية؟
قولتلها محسوبك رسام
ردت وهى اعجابها مثار
واو…ناو لافورو دافيرو كارينو Wow”… e un lavoro davvero carino“
ومن ثم ..
رجعت تستانف من تانى الحوار …
من تانى بسؤال
على كدة بقى ليك بورتريهات ؟
سابت بصمة؟
او سابت اثر ؟
او تركت علامة ؟
قولتلها انا احسن واحد فى العالم
اللى بيعرف يرسم تاتو……..
………………………..
………………….. فى الاماكن الحساسة
لقيتلك وشها احمر
وخدودها بقت زى التفاحة
وقامت راجعة خطوة لورا .. وقالتلى …
تصدق انك سافل
ومنحط
بس انا اللى غلطانة انى فتحت معاك حوار … وعاملتك بسلاسة
تداركت بسرعة الامر
ومنها وليها اعتذرت
وعلى الفور لطريقها اعترضت
ووضحت…
انا مغزى كلامى
ان انا اللى برسم ملامح الحياة
فى كل البلاد
اللى فيها توترات
بفضل الساسة … ولدعة السياسة
انا شبة اله
بحى شعوب
وببيد شعوب
بحجم جيوش
وبسلح جيوش
انا بس اللى احدد امتى وفين يكون الصراع
وانا برضوا اللى اقدر انهية
ومفيش مخلوق …….
يجروء ان يسالنى لماذا
انا الحاكم الفعلى فى هذا .. ولهذا الزمان
انا الامر
وانا الناهى
انا اللى ف ايدى خيوط كل العرايس
طاعتهم ليا طاعة عمياء
بحركهم وقت ما اريد وكيف ما اشاء
بعرف اوظف فى كل فاترينة الدمية اللى تناسبها واختار الوردة المناسبة لكل فازا
من خدمنى
جعلت الدانيا ف راحة بداة
ومن جاهر بعدائى
برتب لة ميعاد مع عزرائيل
وبعملة احسن جنازة
انا المستثنى
ولا حد عنى اغنى
ولا حد يق….
ومن هنا راحت مقاطعانى
وقالتلى ………
طب خد بالك بقى عشان الايام الجاية
فى لوحة هتترسملك بعناية ….. وع الفرازة
***********************
يالها من مهنة رائعة (Wow”… e un lavoro davvero carino”)
