الدكتورة نيرمين فاروق حسن تكتب: كيف تتجنبوا الاكتئاب ؟
الدكتورة نيرمين فاروق حسن تكتب: كيف تتجنبوا الاكتئاب ؟
Written By: Dr. Nermeen Farouk Hassan
ابتعد عن إللى طبعه مش طبعك وإللى مالوش أصل ولا كبير علشان متصغرش نفسك. ابتعد عن الناس القاسية و حط تحت كلمة قاسية ١٠٠ خط إللى مالهمش عزيز ولا غالى.أبتعد عن الكدابين الغاويين حوارات و بوشين عمرهم ما يكونوا مخلصين، الإخلاص فعل خفى لا رقيب عليه إلا الضمير.أبتعد عن من هونت عليه مرة لأنك ها تهون عليه ألف مرة. ابتعد عن الشكاك والنكدى و ضميره أسود يبقى من وحاشه إللى جواه معتقد كل الناس مثلة. أبتعد عن بخيل المشاعر الأنانى هيستكتر عليك أى كلمه حلوة تجبر خاطرك. أبتعد عن إللى شايف غلطته صغيره أو شايف نفسه مابيغلطش أنت مش ناقص مرضى نفسيين فى حياتك. ابتعد عن من تجبر خاطره و تراضيه وتقربله وهو ميقدرش. أبتعد عن من تسامحه مره وإتنين ويكرر غلطه بيبقى فاكر نفسه أذكى منك وإنك مابتحسش. أبتعد عن من فى شدتك عمرك ما لاقيته جنبك. أبتعد عن من يصغرك دائماً الكهين أبو دمعه الممثل هيجبلك الهم. أبعد وبس ما تبصش وراك تانى صدقنى إللى هيخسرك مش هيعوضك تانى، أبعد من غير ما تعاتب العتاب أتعمل للناس إللى أخلاقهم عاليه و إللى أنت لسه باقى عليهم، خليك باقى على إللى باقى عليك، إنك تنسحب من حياة الناس قليله الأصل دى مش نداله لا دى منتهى القوه والجدعنه مع نفسك، وقرب لولاد الأصول إللى تقربلهم خطوه يقربولك ألف وإللى قعدتهم مش هم ونكد إللى مابيعرفوش يجيبو سيرة حد ولو أتكلمو على حد يتكلمو فى الخير، إللى لو ماكلمتهوش يكلمك هو يسأل عليك. قرب للشبعان القنوع إللى عارف يعنى إيه كبير مايرفعش عينه عليك وعارف يعنى إيه مبادئ وأخلاق قرب من إللى يخاف ربه فى كل وقتقرب للى قلبه حنين وأبعد عن اللئيم أبو كلمة وكلمة، و أبعد عن المنافق، قرب من إللى يحس بيك وأبعد عن إللى عامل أن قلبه عليك.
المزيد من المشاركات
قرب من إللى قلبك يميل ليه وأبعد عن الغشاش وحاطط عينه عليك، قرب من إللى بتمنالك الخير حتى لو مش هتشوفه فى حياتك، وأبعد عن إللى كارهك وعايز يكره خلق الله فيك أصل دا بيبقى مرض فيهم مش فيك، وللأسف ملوش علاج.
تابعوني بنت مصر الجميلة فى مصر وحول العالم مع أجمل أمنياتي القلبية وأرق تحياتي، دمت ودمتم بصحة وسعادة، معكم يومياً على جريدتى أسرار المشاهير، وصوتنا نيوز على تويتر، اليوم الدولي وأخبار مصر 24.Dr. Nermeen Farouk Hassan
High Diploma Islamic ScienceHigh Diploma Sport InjuriesMaster Sport PhysiologyPhD Physical EducationNational Football CommissionerCAF CommissionerPress Writer in The InternationalDay newspaper in Egypt and
London
