“الطفل كثير الشكوى والزن اللحوح، ١٢ طريقه للتعامل معه”
“الطفل كثير الشكوى والزن اللحوح، ١٢ طريقه للتعامل معه”
بقلم أخصائي نفسي/نيفين منصور
الطفل كثير الشكوي والزن اللحوح؛ طفل يستطيع اخذ كل طلباته بالضغط على والديه!
طفل كثير العصبية والتذمر والبكاء، كثير الإلحاح بشكل مفرط، غضوب بشكل كبير ولا يستطيع تأجيل رغباته!
كيف اتعامل مع هذا الطفل؟
قبل ما نعرف طريقة التعامل معاه لازم افهم اسباب سلوكه وإيه العوامل اللي ساعدت فى ظهور سلوك الزن والالحاح!
* اسباب سلوك الزن والإلحاح للأطفال:
١- التدليل الزائد والتنفيذ السريع لكل رغبات الطفل.
٢- القسوة الزائده فى التعامل وعدم إحساسه بالأمان.
٣- يستمد الإحساس بالأمان بتلبيه رغباته من الآخرين بالسيطره والضغط ويتلذذ بذلك لانه يشعر باهميته.
٤- التقليد لشخص يعيش معه أو يحتك به.
٥- الشعور بالملل وعدم وجود انشطة خلال اليوم.
٦- الخلافات المستمرة بين الوالدين.
٧- تعدد السلطة الضابطه فى المنزل، بمعنى وجود الجد او الجده وتحكمهم فى السلطة وتلبية رغباته رغم رفض احد الوالدين.
٨- الجفاء العاطفى وعدم وجود لغة حوار دافئه فى المنزل وكل شخص منطوى على تليفونه وعدم وجود مساحه للعب مع الطفل.
٩- عدم الإهتمام بإحتياجات الطفل النفسيه من الحب والقبول الغير مشروط والتشجيع والأمان وإحساسه بقيمته.
١٠- التربية الخاطئه القائمة على الأوامر والنقد والمقارنه الدائمة والتميز بين الاخوات.
١١- إجبار الطفل على أشياء لا يحبها.
١٢- صراخ احد الوالدين المستمر والصوت العالى.
هنا لازم اعرف السبب لكى اعالج السلوك.
كيفية التعامل والعلاج:
* الثبات الإنفعالى عند ثورة الطفل وعدم الإستجابه بنفس طريقته.
* امسك أعصابك واتكلم بصوت منخفض، قوله اول ما تهدأ نتكلم مش هتكلم معاك وانت بتزن.
* مهما زاد فى زنه التزم بكلامى.. هنا الطفل هيتعلم يضبط انفعالاته لان ماما او بابا عمرهم ما هيسمعونى وانا بزن.
* لا تنتقد شخصيته ( انت ولد وحش وانا هعمل كذا وكذا لو مش هتسكت) ده غلط.. لكن انتقد زنه (انا مش هسمعك وانت بتزن والزن والالحاح ده مش طريقه صح للتعبير عن طلباتك تعالى نتعلم ازاى اطلب طلبات بشكل صح).
* احيانا التجاهل مهم وخصوصاً فى السن الصغير لأن الطفل فى عمر السنه والسنتين بيزن عشان يشوف رد فعلك على طلبه.
* التجاهل بيقلل من هذا السلوك.
* الإتفاق على عقاب للسلوك لما يهدأ ولازم يختار معاك العقاب لو اتكرر هذا السلوك، وده اتفاق مسبق يكون عارفه.
* الحزم بطريقه لينه بدون أوامر بمعنى (انا متوقعه منك تطلب اللي انت عايزه بالطريقه الفلانيه بنبرة فيها حزم بدون كلمة اوعى تعمل كذا ولو عملت هيحصل) الحزم بالتهديد يجعل الطفل يعند أكثر.
* ابتعد عن الضرب لكن العقاب يكون بالحرمان من نشاط بيحبه ويكون عارف العقاب مسبقاً.
* اهتم بإشباع إحتياجات الطفل النفسيه ودايماً ضع نفسك مكان الطفل وفكر هل لو انا مكانه هكون محتاج ايه.
نيفين منصور
اخصائى نفسي
