الفنانة ياسمين عبدالعزيز : أصيبت بثقب في القولون وتسمم بالدم 

الفنانة ياسمين عبدالعزيز : أصيبت بثقب في القولون وتسمم بالدم 

 

كتب الاء مؤمن

 

كشفت الفنانة ياسمين عبدالعزيز تفاصيل أزمتها الصحية التي تعرضت لها

خلال الفترة الماضية حيث تعرضت ياسمين عبد العزيز لخطأ طبي أثناء خضوعها لعملية إستئصال أكياس من المبيض .

 

حيث تسمى أكياس من المبيض بأكياس الشيكولاته

 والتي سافرت على إثر هذا الخطأ لسويسرا لإستكمال رحلة العلاج.

 

وقالت ياسمين عبدالعزيز خلال حوارها مع الإعلامية منى الشاذلي

ببرنامج معكم على شاشة التلفزيون المصري CBC روحت أعمل عملية الدكتور

 قالي هتاخد ساعتين ونص وهتعدي يومين أو تلاته أيام وروحت عملتها وكان معايا أحمد العوضي وبنتي وصاحبتي .

 

وعملت عملية الأكياس دي وكانت في عملية تانية في نفس الوقت طلعت

من العملية في ألم رهيب وفضلت أقولهم أنا بموت وهما شايفين إني لازم أقوم وأمشي.

 

في الوقت ده الدنيا كان كل الناس مضايقة وفي تفاصيل كتير مش فكراها

كنت باخد كمية مسكنات رهيبة ومفيش حاجة مأثرة فيا واللي حواليا مفكرين

 إني بدلع لأني حمولة.  

 

كما تابعت ياسمين عبد العزيز: بعد كده قالوا لو مدخلتش أعمل عملية كمان ساعات هموت

 المهم طلع إن كان القولون عندي مخروم وجالي تسمم في الدم وأنا بموت

 وقال لي لو مدخلتش العمليات هتموتي الدكتور عصام شلباية

هو اللي أنقذ حياتي لازم أقول إن زي مافي الوحش كمان في الحلو،

قالي وأنا داخل العملية كنت عارف إنك خلاص قالي الموضوع

كان صعب جدًا وأنا داخل والدنيا كانت بايظة خالص،

وأنا داخلة العملية أنا نفسي كنت حاسة إني مش هطلع أنا فعلا مُت .