الكرواسون رول مقدم من الشيف سهام الحشاش
كرواسون الرول
المقادير
نصف كيلو دقيق
كوب ماء مع حليب دافئ
ملعقه كبيره عسل نحل
٣ملاعق كبار سكر
ملعقه كبيره زبده
٣ملاعق كبار زيت
رشه ملح
خميره فوريه
نوتيلا
زبده اللوتس
بسكويت اللوتس
توت مجفف احمر واسود
صوص فراوله
مربع كبير زبده طريه
الطريقه
نخلط الدقيق والخميره والعسل والسكر والزيت والملح واللبن والماء ونعجن كويس ونبدا ننزل بالزبده ونعجن كويس ونتركها تختمر ربع ساعه وبعدين نبدأ نفرد العجينه بالطول علي رشه دقيق ونبدا نفرد بالعرض مره اخري ونحضر مربع زبده ونبدا نفرده علي العجينه ونبدا نطبقها ونغلقها كويس ونفردها كويس بالطول ونفردها مره اخري بالعرض ونطبقها تاني ونغطيها بالاسترتش وندخلها التلاجه ربع ساعه وبعدين نبدأ نخرجها ونفردها كويس ونلفها رول ونقطعها دوائر ونضعهم ف قوالب كب كيك وبعدين نضعها في صينيه ونضع عليها ورقه زبده من فوق ونضع عليها صينيه ثقيله وندخلها الفرن لحد متستوي وتاخد لون ذهبي من فوق ومن تحت وبعدين نخرجها ونتركها تبرد ونبدا نحشيها بالزبده اللوتس و نزينها بسكويت اللوتس ومكسرات وواحده اخري نحشيها بالنوتيلا و نزينها بالمكسرات وواحده اخري نحشيها بصوص الفراوله و نزينها بالتوت المجفف https://youtu.be/LKVI5woj248
