اللحمة الباردة مقدمة من الشيف هند محسن
اللحمة الباردة عرق التربيانكو أو الروزبيف
المزيد من المشاركات
المقادير
عرق تربيانكو
ملح فلفل اسود بهارات لحمه
٧ فصوص ثوم فلفل اسود حب صحيح
بصل بطاطس جزر
روز ماري زعتر قرنفل حبهان عود قرفة ورق لورا
الطريقه
نشفى العرق من اي جلد أو دهن ونربط العرق كويس بخيط دوباره أو نطلب من الجزار يربطه جاهز ونعمل فيه اخرام ببوز السكينه ونحشيه بالثوم والفلفل الصحيح
نبهره بملح وفلفل وبهارات لحمه ونديله صدمه في صينيه بها معلقتين زيت ومعلقتين زبده علي نار عاليه علشان نقفل المسام ونديله لون من جميع الجهات
نشيل العرق علي جنب وننزل بالمطيبات والخضروات نشوحها في نفس الصينيه ونرجع العرق تاني ونضيف كوبين مياه سخنه ونغطيه كويس بالفويل
ممكن نسويه علي البوتجاز من فوق او ندخله الفرن
وبعد ساعه نقلب العرق علشان كله يستوى زي بعض
بعد التسويه لازم يبرد تماما قبل التقطيع
