الناس نايمين
الناس نايمين
والصاحي يا مين
يلحق ويعيش
الموت درويش
سهمه بيرشق
في قلوب دقاتها تقول أجراس
من فزع الزلزلة ما بتنطق
وما فيش حراس
هتوقف خوف
أو موت تلحق
كلها لحظات
لحظات لكن
من حال إلى حال كله اتغير
الرعب في عز السطوة يقول
أنا ساكن في كبير وصغير
المشهد يجري بأحداثه
وبيلحق ما يُمكن منه
ولا شايف إيه وقتها داسُه
المزيد من المشاركات
مش واخد باله ودا لأنه
الحيط بيودع فيه لكن
من جوف الهرجلة بيدور
على مين م الموت ياخده في ضلُه
أو مين مش عارف يوصل لهُ
الزوم مش جايب ولا لقطة
الضلمة سيدة الموقف
كبر واتشاهد واستنى
من غير ما يحلل ويفلسف
لحظات واتقلب الكون لحطام
تحتها أنفاس رافضة التصنيف
أنفاس بتقول انقذوا إنسان
بتشق عنيه أصعب نظرة
عن حاصل هل كله حقيقية؟
وبيكشف ليه عقله الباطن
عن دنيا وآل عاملة بريئة
أنا حي ما بين جدران قاسية؟
أو ميت من قبل دقيقة…!
…
