باسورد قلبي .. بقلم : ماجدة البهيدي
باسورد قلبي
شعر : ماجدة البهيدي
صوتك ده لوحده بيحيني
وكفيل انه ده ينسيني
العالم والدنيا وكل الناس
وجودك جمبي ده يكفيني
ايدك في ايدي ماتسيهاش
معاك بس الحياة بتتعاش
بحبك و الله انا صدقني
وبعدك قلبي ما يقولهاش
يابو قلب خطفتي ونساني
اسمي ومنطقتي وعنواتي
انا عقلي خلاص مبقاش فيا
من يوم ما سلام منك جاني
يا اغلى عليا من روحي
ده قربك يشفيلي جروحي
تعال وقولي اي كلام
وقول للفرحة لا تروحي
يا أهلي ودنيتي وناسي
ده اسمك جوه انفاسي
ومهما البعد بنا يطول
انا ببقى معاك بأحساسي
فرشت لك انا رمشي
علشان وحدك عليه تمشي
ده لجل عينيك يهون المر
ولو على الشوك انا همشي
المزيد من المشاركات
كتيت لك على الأيام
عليا الحب والله حرام
بعلو الصوت بقولها لك
ده حبك عندي احلى غرام
كتب لك اغاني جنان
يعيش حبك كمان وكمان
واسجل اسمي مع اسمك
كلام يقوله لكل زمان
انا أحمد ربي والله عليك
ده. كل شيء لقيته انا فيك
حنان و امان مع الطيبة
وكله كوم و الا عينيك
ده فيهم سحر معرفتوش
غير في هواك مجربتوش
يا عالم حد ينجدني
بتوه فيهم يا ستار حوش
مفيش غير اني راح اسلم
معاك في الحب بتعلم
و مهما عيون يشاغلوني
رفعت الراية ما هسلم
ولا حد بعدك هسمحله
يدق بابي ولا افتحله
متقولش ليه ولا تسألني
قلبك ده مني وانا ارتحله
باسورد قلبي بين ايدك
وحدك حبيبي انا بريدك
روح قول لقلبك يطمن
بعت مرسال في بريدك
