بالفيديو .. رئيس تحرير مؤسسة اليوم الاعلامية يدق ناقوس خطر ويكشف رساله خفية لعمل سينمائي
بالفيديو .. رئيس تحرير مؤسسة اليوم الاعلامية يدق ناقوس خطر ويكشف رساله خفية لعمل سينمائي
فيلم الهوى سلطان والمساكنة .. أسهر وأرقص وعيش حياتك مع حبيبتك بدون زواج
منذ عرض فيلم ” الهوى سلطان” استطاع أن يحقق نجاح جماهيرى كما هو واضح بالايردات والاقبال من خلال شباك التذاكر وما أثار من ردود أفعال واسعة بين رواد السوشيال ميديا .
والمدهش هو احتفاء الأغلبية والاشادة بالفيلم على المستوى الفنى وهو أمر قد نتفق معهم عليه .
ولكن وتحت لكن لابد من جر مليون خط
ولكن مالا نتفق معة واستحالة الاتفاق عليه هو مضمون الفيلم والرسالة التى يسعى من خلف الكواليس لبثها .
وقد لخصها رئيس مؤسسة اليوم الاعلامية الكاتب الصحفي خالد فؤاد في هذا الفيديو الخطير ويدق به ناقوس الخطر حيث فاجأنا بالحديث بطريقة بسيطة عفوية قاصدا بها مخاطبة طبقة البسطاء وتنبيههم للخطر الكبير الذى يتربص بالجميع .
هى بقت كده يعنى خلاص
بهذه العبارة أستهل الأستاذ خالد فؤاد الفيديو وواصل قائلا : يعنى نصاحب عادى من غير جواز واستمتع انا وحبيبتى ونسهر ونشرب واخدها عند أمى المحجبة ونمارس حياتنا طبيعى جدا .
تعقيب الصحفى خالد فؤاد على احداث فيلم الهوى سلطان
ولما نزعل اروح لغيرها وهى تروح لغيرى وبعدين نكتشف أن احنا مش قادرين نستغنى عن بعض فأسيب اللي عرفتها وهى تسيب اللي صاحبته ونرجع لبعض ونكمل ونسمع بهاء سلطان : أنا من غيرك ماليش عنوان .. أنا من غيرك بتوه توهان .
طيب ماهو كلام حلو اهه وطالما بتوه وماليش غيرك مانتجوز من الاول ونقضيها حلال ونبقي قدوة لغيرنا اللي ماقضينها صحوبية وشرب وكل المحرمات .
اتفرنجنا وبنرطم عربي علي إنجليزي
وواصل قائلا : أحنا خلاص بقينا اجانب واتفرنجنا خلاص بما أن ثلاثة ارباع بناتنا واولادنا بيرطموا بعبارات خليط مابين العربي والأنجلش ويشوفونا احنا آبائهم وامهاتهم ناس متخلفين جايين من العصر الحجري ومعترضين علي المساكنة .
وصرخ قائلا : ياجماعة انتم قصدكم ايه وعايزين توصلوا بينا لا أيه اكتر من كده ماكفاية الهباب اللي بقينا فيه والإنحلال اللي وصلناله.
ياناس انا قبل ما اكون صحفي .انا اب وغيور علي دينى وشرقيتى بجد كفاية كده .
اللي احنا بقينا فيه ده بقي كارثة بسببكم الأباء والأمهات مش عارفين يربوا عيالهم .
وبتقولوا الناس المتخلفين بيحرموا الفن .
أقسم بالله اللي بتقدموه ده هو الحرام بعينه.
