حوار حصري مع مصممة المجسمات الفنانة التشكيلية روان خالد
حوار حصري مع مصممة المجسمات الفنانة التشكيلية روان خالد.
روان خالد قد تحدث طفره جديدة في المناسبات السعيدة لتوثيقها بشكل فني عن طريق المجسمات الفنية
كتبت: شيماء أحمد متولي
تحدثنا الفنانة التشكيلية روان خالد ً عن طموحها وحبها للفن ، والتي أظهرت شغفها للعالم من خلال تصاميمها وأفكارها الرائعة والمميزة. وهي واحدة من العلامات التجارية المميزة التي ترتكز على ابتكار تصاميم مريحة وتعطي لمسة جمال ورقي . وقد تحدث طفرة فنية في المناسبات السعيدة بتوثيقها بشكل قني عن طريق المجسمات الفنية، فكان ولابد َلنا من الحوار الحصري من أجل إطلاعنا على أعمالها ومسيرتها المهنية وسرّ حبّها للفن وتصميم المجسمات في مصر بشكل جديد ومختلف يتطلع إليه الكثيرون في المناسبات الخاصة.
المولد والنشأة:
– ممكن تعرفينا في البداية مين هى روان؟
روان خالد ، مواليد سنة 1994 من محافظة بورسعيد وبسبب شغلي مقيمة في القاهرة.
الدراسة وسبب حبها للفن التشكيلي:
– كلمينا عن الدراسة؟
المزيد من المشاركات
انا بكالوريوس تربية نوعية قسم تربية فنية ( نحت ) ، بتقدير عام جيد جداَ،وكنت من أوائل الكلية وكان مشروع التخرج في النحت ودخلت تربية فنية بسبب شغفي للفن وحبي الشديد للفن عموما ، وخلال ايام الدراسة كنت ببحث عن ما هو جديد في الفن واشتغل عليه وانمي موهبتي في الفن بالدراسة ، وبعد التخرج عاملت دراسات حرة في كلية فنون جميلة في القاهرة.
وبعد الدراسة شغفي للفن تتطور ، اخد كورسات كتير في مختلف الفنون ومجالتها زي الرسم والموزيك و حاجات كتيرة كلها تتعلق بالفن.
مجال العمل:
– كلمينا عن مجال شغلك الحالي؟
لاني متابعة جيده للفنوان العالمية، فى فكرة المجسمات كانوا بيستخدمو في النحت للاجسام أو اجزاء الجسم بطريقة مبسطة علشان يعرفوا يرسموها ، وكان بداية الموضوع عندي فى الرسم، وطبعا ما في حد في مصر كان عنده خبرة كافية في مجال المجسمات او النحت بالشكل الجديد، بدأت ادور واشوف الأجانب بيعملوا ايه. وده مجال شغلي اللي بدأ معايا من 6 سنين، وعشان اقول انا كنت بعمل منتج كنت بجرب كتير واشوف حاجات مختلفة لمدة سنتين عشان اوصل للتطور اللي فيه حاليا.
فن المجسمات بشكل محترف:
– الطلب علي المجسمات جت ازاي خصوصا انه كان غير معروف في مصر؟
لما بدأت شغلي والناس شفته حبيته جدا وبدأت اشتغل في كل المناسبات حسب ما يطلب وده كان هدفي وكان لازم احققه، ان كان لازم اكون موجود في كل مناسبة عند الناس في الخطوبة او فرح حتى لما البيبي يتولد بتكون ذكرى حلوة للاطفال، وحاليا عاملنا مجسم لبطن الام وهى حامل، وعيد الميلاد والفرح وفي شبكة تقربيا في كل المناسبات عموما.
