خاص.. مصطفى زيكو يرد على خبر انتقاله للنادي الأهلي
خاص.. مصطفى زيكو يرد على خبر انتقاله للنادي الأهلي
حوار: آيه حجاج✍️
فتح “مصطفى زيكو” لاعب الفريق الأول لكرة القدم بنادي حرس الحدود قلبه للحديث مع جريدة “اليوم الدولى”، عن عدة محاور رئيسية في حياته أهمها تعاقده مع النادي الأهلي.
وكانت انتشرت الأحاديث والأقاويل حول إنتهاء تعاقد زيكو مع النادي الأهلي، في الصيف المقبل ولمدة 4 مواسم، ليوضح لنا اللاعب من خلال الحوار موقفه من ذلك.
وجاء الحوار مع زيكو كالتالي:
س1/ كيف كانت بدايتك في كرة القدم، ومن أين بدأت؟
ج1/ أنا من ناشئين جمهورية شبين اتصعدت مع الفريق الأول وأنا عندى ١٥ سنة، ولعبت أول مباراة رسميًا وانا عندى ١٦ سنه، ومشيت من شبين إلى الحرس في موسم ٢٠١٩ لعبت معاهم سنتين تحت ف الدرجة التانيه وبعدين صعدت معاهم.
س2/ فريق كنت تحلم بالإنضمام إليه منذ الصغر؟
ج2/ مش فريق معين بس أكيد بحلم إني ألعب في أحد الأندية الكبيرة في مصر، والاحتراف طبعاً.
س3/ حدثنا عن انضمامك للمنتخب الوطني المصري للمرة الأولى؟
ج3/ كنت مبسوط جداً طبعاً وادتني دفعة كبيرة فى مشوارى فى الدورى الممتاز.
س4/ طموحاتك الفترة المقبلة ماذا عن منتخب مصر هل حدثك أحد للانضمام لمعسكر الفراعنة مرة أخرى؟
ج4/ طموحى ملوش حدود لسه معملتش حاجة، وإن شاء الله أوصل إلى أبعد حاجة محدش كلمنى في المنتخب عن الإنضمام تانى، انا بجتهد وسايب كل حاجه على ربنا طبعاً.
س5/ حاليًا حرس الحدود في المراكز الأخيرة، هل قادر الحرس على تغير الوضع والابتعاد عن مناطق الهبوط؟
ج5/ أكيد طبعاً إحنا في موقف صعب بس الفرق كلها قريبه من بعض، إن شاء الله إحنا مركزين في الفترة الجاية إن إحنا نقدر نطلع النادي من إلى هو فيه ونرجعه إلى مكانته الطبيعية إن شاء الله.
س6/ رأيك في أداء التحكيم وإثارة الجدل حول إتحاد الكرة؟
ج6/ أنا مبحبش اتكلم عن الحكام دى كورة واحنا بشر وكلنا بنغلط.
س7/ ردك وحقيقة المفاوضات مع الأهلي، وهل فعلاً مضيت 4 مواسم للأهلي مثلما ما قال الناقد الرياضي محمد مراد أم لا؟
ج7/ مش حابب أتكلم ف حاجة زى دى دلوقتى كل حاجة ووقتها إن شاء الله.
س8/ من وجهة نظرك شايف مين أقرب فريق أنه يفوز بالدوري هذا الموسم؟
ج8/ الدورى صعب طبعاً ومحدش يقدر يقول مين البطل دلوقتى لسه بدرى وفي تغيرات كتير في ترتيب الدوري.
س9/ من هو قدوتك محليًا و عالميًا؟
ج9/ صلاح طبعاً.
س10/ مين فريقك المفضل ضمن الخمس دوريات الكبرى؟
ج10/ ريال مدريد.
