سلام يا غرام .. للشاعر / أحمد النجار
سلام يا غرام
الشاعر أحمد إبراهيم النجار
سلام يا غرام مالوش معنى
مالوش عنوان
رسمت الحلم فى عنيكِ
وكان حلمى من الأوهام
سلام يا غرام
خلاص ملّيت
من الحاضر ومن زمنك
سلام يا غرام
كرهت الحب فى وجودك
ولا مشتاق أعيش حُبك
سلام يا غرام
أنا ملّيت
وكام مرة بعيش جرحك
واداري الجرح جوايه
واخبي الآلام
سلام يا غرام
أنا إللى رسمت أحلامك
وعشت معاكِ أيامك
رميتيني فى امواجك
وكان بحرك مالهوشي
أمان
سلام يا غرام
سلام يا غرام وألف سلام
أنا السائر كما البركان
ونارك حارقه فى فؤادي
ومليانه جبااااااال أحزان
سلام يا غرام
يا ماشي فى الغروب راحل
ومش راجع
ولا بالفجر يوم طالع
ولا رجوعك فى يوم نافع
ولا مكتوب فى قلبى مكان
سلام يا غرام
رميت إسمك كرهت زمان
مالوش معنى بلا عنوان
سلام يا غرام
سلام يا غرام وأنا الأسف
على الماضي
على الحاضر من الأيام
سلام يا غرام
أنا الراحل ومش راجع
خداعك جرح كان واجع
وغدرك ليل مالوش آخر
لأنا عبدك ولا ملكك
ولا ليكِ هكون راكع
فى أي زمان
سلام يا غرام
وفى غيرك الووووف ملايين
ومش واقفه الحياه بيكِ
وفى غيرك من الحلويين
سلام يا غرام
لأنا مسجون فى أسوارك
ولا واحد من المساكين
سلام يا غرام
أنا مالك زمام أمري
وأنا الكاره أعيش وهمي
وأكون مهزوم بقلب حزين
سلام يا غرام
أنا أقوى من الصدمات
وأنا أكبر من الدمعات
وأنا الفارس ما بين كلمات
ماليها دروس من الصفحات
سلام يا غرام
لأنا تلميذ فى مدرستك
ولا حارس فى مملكتك
ولا كنت فى يوم ملكك
أنا كرهك ومش حبك
ولا مشتاق لأنفاسك ولا عطرك
سلام يا غرام
ده أنا المرسى وأنا العنوان
وأنا بكره اللي مات فيكِ
وهتعيشي بجرح كبير
وهدوقي من الأحزان
سلاااااااااااااااااااااااام
يا غرااااااااااااااااااااام
