“سلة غذاء العالم” بقلم محمد فضالي

” سلة غذاء العالم”

كتب محمد فضالي

طيب على هامش اللي بيحصل علشان
الشباب الجميل بتاع (الميمز)..

أوكرانيا بتعبير الإقتصاديين بيسموها،
(سلة غذاء العالم) وانت كمصر بلدك
بتستورد أكبر كمية قمح في العالم منها،
والحرب.. يعني توقف في الإنتاج، يعني
زيادة في أسعار أي شيء بيدخل في دايرة القمح ومش زيادة عادية.. دي زياده مجنونه 
والفائض من المخزون الموجود في مصر.. 

يدوب يكفي اربع شهور.. 

بحسب تصريحات الوزير، وعلشان تستورد 
قمح من بديل مفيش أمامك غير امريكا،
واستيراد بسعر أعلى مع فائض الديون
اللي عندك (فصباح الفل يعني).. كمان
عندك قطاع السياحة أغلبه من روسيا
واوكرانيا وأوروبا.. والحرب يعني توقف
نشاط سياحي برضه، وخد بالك أنا لسه
مقولتش على الإرتفاع المجنون اللي
هيحصل في (برميل النفط) واللي عليه
زياده في اسعار البنزين بطريقة جنونيه،
فأنت بدل ما تروح تقول أهلا بالاوكرانيين،
وتقضيها (ميمز).. حاول تقرأ فقه الواقع
بتاعك بشكل جيد، وتدعو الله أن لا
يتفاقم الأمر ويشتد.. علشان الهم ده
طايلك جامد أوي… لا قدر الله.