صباح النور
صباح النور علي
الناس اللي ساكنينك
وشمس تدور في تكوينك
صباحك ورد يابهيه
وضي عيونك الفتان
بيحدف نجمه في الميه
صباح طارح في خير يااما علي المخاليق
وكل شويه في زياده ومهما تديق
صباح شاقق بحور الود ومعدي علي عينيا
وكل ماييجي يندهلي يلاقي الحب في إيديا
صباح الراحه والعافية
في حضن إيدينك الدافيه
المزيد من المشاركات
وجودك أصل كل حياه وقلب يسيع
لكل الكون ودايما نيتك صافيه
صباحك خير ياأم الدنيا والعالم
ومين زيك بيجمع عشقه بالنيه
صباحك خير ياوش الخير
ولسه هتفضلي صبيه.
وعمر الشيب ما هيطولك
دا إكسيرك بيجري في نقطه الميه
وربي بخيره بيزيدك ياست الكل ياقويه
ومين غيرك حيطانه بجنه محميه
صباح الخير يامصريه
ياست الناس يانبض بيتروي بالماس
ويطرح فيكي حريه
صباحك حب يابهيه.
..
