طريقة الفطير بالسمنه وبالحشوة
مقدم من الشيف ملك المخابز حسين ابو عبد الله
مدةالتحضير٣٠دقيقه
مدةالطهي ١٠دقايق
المقادير
المزيد من المشاركات
نص كيلو دقيق شديد اوعادي
معلقه صغيره ملح وماء حسب العجن وتكون العجينه جافه شويه مش طري
وبعد مانعجنها نقطعها لقم حوالي ١٥٠ جرام ونكورها كويس ونسبها تريح شويه
ونسيح ربع كيلو سمنه عليه٥٠ جرام زبده صفرا يدوب ندفيهم ونخد
- اللقمه اللي كورناها بعد ماريحت نفردها ونهويها على قد مانقدر بس نحاول انها متتقطعش ونديها رشه من السمنه والزبده اللي سيحناهم وندهن الوش كله من السمنه ونطبقها براحه ونكورها ونغطيها بكيس ونسبها تريح شويه وبعدين ندهن الرخامه زيت ونبطط بأدينا منوسعهاش اوي ونقلبها نخلي وشها من تحت ونحط الحشو اللي بنحبه ونبطط واحده تانيه نخلي وسعها اقل من اللي تحتيها بسيط ونحطها فوقيها معدوله ونخد من الحرف اللي تحت نلزق في الحرف اللي فوق ونبطط براحه ونقلبها ونبطط براحه ونحطها في الصاج نخلي القفل من تحت ونخبز على نار متوسطه وللعلم البوتجاز مينفعش الا لو كان بيشتغل تحت مع فوق ممكن فرن بيتي بس هنحطها شويه وبعدين نسحب نقلبها وندخل لحد ماتحمر من الجهتين
