عمرو محمود ياسين يحتفل بإنتهاء تصوير نصيبي وقسمتك 4
عمرو محمود ياسين يحتفل بإنتهاء تصوير نصيبي وقسمتك 4
كتب نهى حليم
أعلن السيناريست والمؤلف “عمرو محمود ياسين” بإنتهاء تصوير مسلسل “نصيبي وقسمتك 4″، والذي يتم عرضه حالياً.
وقد شارك “عمرو محمود ياسين” جمهوره بنشر صور من حكايات مسلسل “نصيبي وقسمتك 4” عبر حسابه الرسمي
على مواقع التواصل الإجتماعي ال “فيس بوك” وعلق عليها بكلمات تعبر عن مدى سعادته بالعمل مع أبطال كل حكاية من حكايات مسلسل “نصيبي وقسمتك 4”.
وقد علق “عمرو محمود ياسين” قائلاً: “فركش أخيرًا مسلسل “نصيبي وقسمتك 4″… بأمانة شديدة إحنا كان معانا وحوش مش كروو..
بجميع الأقسام من إنتاج، إخراج، تصوير، إضاءة، مونتاج صوت، ومكساج، ديكور، ملابس،
مكياج، بوفيه، سواقين، وطبعًا كمان الممثلين بكل حكاية… بصراحة بييجوا بنعذبهم… والضحايا كتير”.
وأضاف أيضًا “عمرو محمود ياسين” في منشوره حيث قال: “بس الناس لازم تعرف إن كل الحكايات اتكتبت ع الهوا..
أتصورت ع الهوا.. اتمنتجت ع الهوا.. في سباق رهيب مع الزمن لم أراه من قبل… شئ محدش يقدر يتخيله”.
وإستكمل “عمرو” قائلاً: “بجد اللي حصل في المسلسل ده محدش يتخيله..
لأننا إضطرينا نشتغل في توقيت معين وأخدنا الريسك.. ف أنا آسف لو في أي تقصير من أي حد فينا”.
كما وجه “عمرو محمود ياسين” شكره للذين شاركوه العمل قائلاً: “أنا عايز أشكر كل الناس فرد فرد..
لأن كلهم كانوا أبطال وبيشتغلوا ب ٣٠ ساعة وأكتر…. بس أحب أشير للدايرة القريبة مني.. في الشغلانة اللي كانوا أكبر عون لي وكنت بتعامل معاهم طول الوقت”.
وقد ذكر المؤلف “عمرو محمود ياسين” المقربين منه في نفس مجال العمل وهم: “المنتج المحترم وصديقي أحمد عبد العاطي…
شريك الرحلة اللي بنشيل الهم سوا… المخرج المنفذ أحمد عمر اللي بينيمني ويصحيني على مزاجه..
ويرسم لي الطريق أعمل إيه ومعملش إيه… المشرف العام على الإنتاج ماجد جاب الله.. المنتج الفني أيمن شوقي..
مدير إدارة الإنتاج وليد الحسيني اللي دايمًا بيطمني إنه كله تمام حتى لو مش كله تمام بس بيعالجني نفسيًا”.
وأضاف أيضًا: “مدير الإنتاج أيمن عباس وجميع أفراد طاقم الإنتاج… مهندس الديكور رمسيس سليم
ومهندس محمد المغازي اللي فجأة بطلب منهم تغيير أوضة نوم لقسم شرطة عادي…
وباقي أفراد قسم الديكور الرائعين.. مسنقين مناظر هاني سلطان وسامي حميدة”.
كما أختتم المؤلف “عمرو محمود ياسين” في منشوره قائلاً: “وأخيرًا وليس آخرًا المخرجين الرائعين الأستاذ عصام نصار.. الاستاذ رامي رزق الله…
اللي قدروا يقدموا حكايات جميلة في ظروف صعبة جدًا.. وسكريبت مش خلصان لكن كانوا في ضهري،
وقدموا شغل رائع.. كل التحية لهم والتقدير وألف شكر للجمهور الرائع على الدعم والمساندة”.
