غاده عادل الشهيرة بحبة الكراميل: التيك توك أظهر قدراتى كممثلة
غاده عادل الشهيرة بحبة الكراميل: التيك توك أظهر قدراتى كممثلة
كتبت: شيماء أحمد متولي
حوار حصري مع حبة الكراميل نجمة التيك توك غادة عادل
ظهر برنامج التيك توك مؤخراَ والذي اعتبره الكثيرون من الناس فرصة لإظهار بعض المواهب كالتمثيل والغناء كما يعد الطريق الأسرع للنجاح والشهرة ولذلك نتحدث اليوم مع أشهر نجمة تيك توك حبة الكراميل غادة عادل لمعرفة كيفية دخولها علي ساحة التيك توك .
المزيد من المشاركات
في البداية ممكن تعرفينا مين هي غادة ؟
غاده سني 32 سنة، مصرية ومتزوجة و عندي طفلين ، يزيد 7 سنين و لي لي 4 سنين، بقدم محتوي كوميدي اسري بشكل لائق و محترم على التيك توك، واشتهرت بحبة الكراميل.
كلمينا عن الدراسة؟
ليسانس آداب قسم دراما و نقد مسرحي من جامعة عين شمس دفعة 2011.
ممكن تعرفينا بدأتي دخول السويشال ميديا ازاي؟
من 3 سنين بدأت دخول السويشال ميديا ، واتعرفت على التيك توك عن طريق اختي الأصغر مني و لقيت انه مكان مناسب اقدر اظهر فيه موهبتي في التمثيل ولانى بحب التمثيل من زمان وكان نفسي امثل فى التيك توك حقق ليا حلم التمثيل، و طبعا الجواز و الاولاد منعوني من ده زمان.
الصعوبات اللي واجهتك؟
طبعاَ في صعوبات كثيرة في تنظيم الوقت و خصوصا اني ماكنتش علي دراية كبيره بالبرنامج فى كنت باخد وقت كبير في التصوير ، ده غير كمان ان كان فيه صناع محتوي كتير مشهورين ليهم مكانهم علي التيك توك و كنت خايفه اني ماقدرش اثبت نفسي وسط العدد الكبير منهم بس الحمد لله قدرت اثبت نفسي و كمان اتشهرت جدا بكلمه غاده و عهد الله.
مين الشخص اللي كان داعم ليكي؟
أحمد جوزي هو الداعم الأول والاساسي ، و كان بيساعدني وبيعلمني ازاي استخدم برنامج التيك توك و ازاي اتصور بشكل مناسب ، و ده غير انه كان بيدعمني جدا جدا و بيعمل معايا الفيديوهات بشكل كوميدي كتير زودت عندي عدد المتابعين.
