مصر في قلبي وأنا مثلها صامدة .. مشاعر صادقة للكاتبة العمانية / حنان البلوشية
بقلم/ حنان البلوشية
مصر بالنسبة لي مش مجرد مكان، مصر روح تعيش في داخلي بكل تفاصيلها. أرض الحضارة اللي شهدت على آلاف السنين من القوة والتحدي، بلد معرفتش معنى الانكسار، دايمًا واقفة شامخة زي الأهرامات، صامدة رغم كل الظروف.
وأنا زيها.. يمكن أضعف لحظة، يمكن أتعب أوقات، لكن معرفش طريق الاستسلام. كل ما يمر عليّ موقف صعب، أفتكر إن النيل ما توقف يوم عن الجريان، وأقول لنفسي: “كملي.. زي ما بيكمل هو.”
مصر في قلبي أنا أؤمن إن القوة الحقيقية مش بس في إننا نواجه الحياة، لكن في إننا نواجهها بابتسامة، ونطلع من كل محنة أقوى من قبل. أؤمن إن كل جرح بيترك وراه درس، وكل تعب بيرسم بداية جديدة.
زي مصر، اللي كل يوم تثبت للعالم إنها مش بس تاريخ.. لكنها حاضر حيّ مليان طموح، وأنا كمان أعيش بإصرار إن الغد يكون أجمل، وإن مهما وقعت، أقف من جديد.
معنى الصمود ورمز القوة
مصر علمتني معنى الصمود، وأنا أفتخر إني أشبهها.. قوية، صابرة، وما توقفني أي عاصفة.
ومثل ما هي مصر مليانة أسرار وجمال في كل زاوية، أنا كمان بداخلي قوة يمكن ما تبان للكل، لكنها موجودة وتظهر وقت الشدة. كل تحدي يمر عليّ يزيدني إصرار، وكل عثرة تتحول عندي لخطوة لقدّام.
مصر في قلبي مش بس لأنها وطن الحضارة، لكن لأنها رمز للقوة اللي أتمناها لنفسي. زيها ما تنهزم، وزيها تظل واقفة رغم كل الظروف. هي ملهمتي في الصمود، وأنا مرآة لها في الإرادة واليقين إن الغد أحلى مهما طال الليل.
