كتبت/دعاء خطاب
بالفيديو “22 حقيقه عن الحياه”
تخليك تعيد حساباتك من أول وجديد.
1- اتعلمت إن مفيش حاجه ثابتة ولا شئ
دائم وكل حاجه ممكن تتغير فجأة.
2- اتعلمت إن الطيبة الزيادة بتخلي الناس
تبتزك وتستغلك وتيجي عليك من غير رحمه.
3- اتعلمت ماجيش علي نفسي اوي علشان ارضى حد يمكن مش شايفني اصلاً وماقدمش تنازلات في المبدأ.
4 – أتعلمت اقول( لأ) لأي حاجة ممكن تأذيني وتوجعني ومش هكون مرتاحه فيها.
5 – أتعلمت مكنش في المكان اللي مش مرتاحه فية ومغصبش نفسي علي اي حاجة مش شبهي.
6 – اتعلمت إن صحتي النفسيه اهم شيء وطاقتي أنا أولى بيها من اي حد.
7- اتعلمت اشوف عيوبي واصارح نفسي بيها
واحاول اغيرها وأصلحها للأفضل.
8 – أتعلمت مبصش علي الماضي بس اتعلم
منة اكون أقوي وانضج ونسخه افضل من نفسي في كل مره.
9 – أتعلمت ان مهما كانت قوتي ممكن أقع
ويمكن اتكسر بس لازم اتعلم كل مره اكون
اكثر صلابه.. اعافر واقوم وارجع واحد
صحيح من تاني.
10- أتعلمت أن كل شئ في حياتنا بيجي
بالتدريج وقت مانكون فعلاً مستعدين له
وإن الإنسان يعيش عمره كله يبني نفسه
وبعدين يموت ناقص مهما حقق ومهما
بلغ.
11- أتعلمت اكون مستعده لأي صدمة ممكن
تحصل في اي وقت وازاي افكر فيها بهدوء وثبات علشان اخرج منها بأقل الخسائر.
12- أتعلمت مقدمش وعود وانا سعيده ولا
اخد قرارات وانا زعلانه ولا أواجه وانا
متعصبه وممكن جدا تأجيل العتاب لحين
ثبات المشاعر المضطربه او زوالها.
13- أتعلمت ازاي اسعد نفسي بنفسي وازاي
استمتع بأي لحظة في حياتي مهما كانت
بسيطه.
14- أتعلمت ازاي احب نفسي واتقبلها زي
ماهيه واعرف قيمتها وازاي اشتغل عليها
اطورها واسعدها.
15-أتعلمت مضيعش وقتي ومجهودي
وطاقتي في حاجات ماتستاهلش.
16- أتعلمت إن الآمان أعلى منزله من الحب
وان اللي يحبك بجد مش حيحطك في شك ولا يتسبب لك في إحساس عدم الشعور بالآمان من الأساس.
17- أتعلمت إن إحساس الكفاية بالله سبحانه “وكفي بالله وكيلا”، “وكفى بالله عليمًا” فكل شيء هالك إلا وجهه سبحانه.
18- أتعلمت إن لن يفرق معك من ابتعد ومن استهان ومن جرح ومن غاب ومن كذب ومن خدع فمن قرَّت عينُه بالله قرَّت به كل عين.
19 – أتعلمت إن جايز العالَم مش مُنصِف
فعلاً.. إنما ربنا عادل ومُنصِف جداً جداً.
20 – أتعلمت ان من الظلم نربي بناتنا على
إن الأمان والسند رجل وإن أهم ومنتهى
أحلامها الزواج وإن الحياة مؤجله لحين
الإرتباط.
21- اتعلمت إن في أصحاب قلوبهم زي البيوت مهما بعدت واتغربت عنهم؛ مابتحسش براحة الا معاهم.
22- واتعلمت إن النّاس بِحار فلا تحكُم على أعماقهِم وأنت لا ترَى إلا شواطئهُم.
دعاء خطاب
