يا دمع العين يا قلب حزين يا حلو و كانلي متمرر
مكانك فين علي الخدين يا ورد أوانه يتحرر
تسيبني لمين وليلي حزين وقهري تملي متكرر
وبين السهد والحرمان اللاقي الذل متشمر
وجاي علي بيتي يتمخطر تعالي يا حلوه نتسرر
مفيش غيري هنا يقدر يقدم مهر للحلوه
جيوبي عشانها تتعمر جنابي هخدها بالقوه
ذليله وجنبها فتوه وعالمه مقنطره السوه
وعقدين نور يلفوا الصور ورص كراسي للأمور
يا بختي يا ناوي علي موتي بلاها زفه الحنطور
وحط مجور وخلي طابقنا وحياتك يكون مستور
واخدني لفين اديني هشوف معاك بردو لأخر الدور
أوان الورد متأخر وزهر العمر كان دبلان
ولون الحب مش وردي وكل سليم صبح تعبان
ياعم ياصاحب البستان ورودك قربت تتهان
دموعها غرقت خدي وشوكها اتعلم السرحان
يرد يقول: ياحلوه بوزع الياسمين
شويه شوية علي قدي وبتعكز علي الاحزان
وانا والله كان ودي الف وادور واقول الفل للحلوين
واجيب الصبر بس من اين معدش توكال علي الايام
انا مخبي الاهات والنوح اقول الاه زماني يقول لاحول الله
دا شايل هم ومعبي وفين هيروح
مترجعشي تلوم حالك وصوتك في الغرام مدبوح
ياروحي كفايه وحياتك شبعت جروح
ويفضل عقلي مش ناسي بان الجرح كان مفتوح
حنيني لسه بيأسي ووضع القلب كان قاسي
ضلوعي اتكسرت نوبه وروحي فاقده إحساسي
مبتفكرش في التوبه وعيني أساسها مش راسي
أوان الورد لسه مجاش فابزياده متتكاش
ولسه الفجر متهجاش حروف ساكنه في ليل بكاش
بتحلم تجري علي بكره وتمسك فيه عشان يتعاش
فاتيجي لحظه السكره بان الورد من الآخر ملوش خرباش
تحرير أسماء عيسوي
