رايح مدرستي…بقلم/ايمان ابو العزم
رايح مدرستي
ايمان ابو العزم
أنا كنت رايح مدرستي
ومعايا قلمي وكراستي
ماشي في أمان الله بدري
ووالدتي بتودعني
بصيت لها حسيت إني
رايح مكان تاني لوحدي
في المدرسة فجأة سمعنا
دوشة وصوت صواريخ جامدة
إيه كان بيحصل مش عارفين
الصفارات صامة وداننا
لكني فجأة لقيت نفسي
في الأرض والدم بيجري
باقي الولاد صرخوا بسرعة
المزيد من المشاركات
فين المدير فين الأبلة
الكل كان يبكي ومحتار
ليه البراءة تتدمر
أنا مش أذيت أبدا نملة
ولا صاحبي ولا أبلة الناظرة
أنا كنت رايح أتعلم
وأشيل علم مصر بلدنا
الدم ساب يومها علامة
ما هو دم مينا وأسامة
وكتير من الأولاد ياما
فداكِ يا مصر يا غالية
بحر البقر قصة حزينة
نتمنى ما تتكررشي
في أي مدرسة في الدنيا
ولا أي طفل يتأذّى
