بسمة وهبة للمطرب الشهير : أنت بتاع فلوس وبس وتامر حسنى أجدع منك

رحل عن عالمنا في الساعات الأولى من صباح أمس الثلاثاء، المطرب علاء عبد الخالق، عن عمر يناهز 59 عاماً بعد صراع طويل مع المرض، حيث رافق جثمانه الفنان إيهاب توفيق الذي تجمعه صداقة قوية بالراحل منذ سنوات طويلة، بجانب حضور لعدد من الفنانين أبرزهم حميد الشاعري وحسام حسني ومحمد محيي وسامح الصريطي والفنانة والمذيعة منى عبد الغني، وعدد كبير من نجوم الفن والموسيقى وأهل الفنان الراحل.

وفي هذا الصدد وجهت الإعلامية بسمة وهبة رسالة هجوم إلى أحد المطربين، وذلك عبر برنامجها «90 دقيقة» والمعروض على قناة المحور.

وقالت بسمة وهبة: «ياريت تتعلم أخلاقيات المهنة من اللى إنت شوفته النهارده، إنت بقيت مادي جدًا، مش كل حاجة الفلوس، وياريت تتعلم التواضع، نجوم كتير النهارده أكبر منك بكتير جدًا نعوا الراحل علاء عبدالخالق».

وأضافت: «لما كنت بدافع عنك، أنا كنت بدافع عن بلدي، ومش زعلانة إني دافعت، لكن إنت في الحقيقة ما تستهلش إنه حد يتكلم عنك، لأنك كنت قاعد بتتفرج على الحلقة ومش عايز تدخل وترد، ولا إنك تساعد زميل ليك، ولا حد بيكلمك عشان خاطر تعتذر، وإحنا بنتكلم وهندي الأمور، ونتكلم عنك بكل محبة».

وتابعت «وهبة»: «ياريتك تتعلم إن الفن مش بفلوس، ياريت تتعلم من الأصغر منك تامر حسنى، محدش بيطلب منه حاجة إلا ويعملها له، إنت فاهم الفن غلط، إنت بتساويه بالدولار والفلوس، وياريت تتعلم».