بالفيديو …رئيس التحرير لبلطجى السويس:يااخى يلعن ابو الاملاك على الشقق على الايجارات القديمة والجديدة
بالفيديو …رئيس التحرير لبلطجى السويس:يااخى يلعن ابو الاملاك على الشقق على الايجارات القديمة والجديدة
اجتاح بعد منتصف ليل الجمعة وسائل التواصل الاجتماعى فيديو واقعة اعتداء مؤسفة فى محافظة السويس حيث أقدم صاحب شقة على صفع مستأجر مسن في الشارع أمام ابنته، بسبب خلافات حول الإيجار ورغبتهم في إخلاء الشقة.
اخر تطورات واقعة مسن محافظة السويس
بعد انتشار الفيديو اللي اجتاح السوشيال ميديا..قامت الأجهزة الأمنية بالقبض على المتهم المعتدى على الراجل المسن، وتم التحفظ على الطرفين للتحقيق والعـ.ـرض على النيابة.
ومن جانبها قالت أسرة المتهم إن الخلاف بسبب أولاد المسن، وإن في اتفاق مسبق على الرحيل من الشقة.
وفى المقابل قالت رحمة ابنه مسن السويس: احنا ساكنين في بيت إيجار قديم و دول صحاب البيت عاوزين يطلعونا من الشقة بالعافية و النهاردة اعتـ.دوا على والدي بالضـ.رب كنا داخلين نحيب علاج لوالدي راجل مسن فوق الـ ٦٥ سنة و مريض قلب و سكر و بيغسل كلى وحسبى الله ونعم الوكيل
وفى هذا الصدد قال الكاتب الصحفى خالد فؤاد رئيس مجلس ادارة ورئيس تحرير صحف ومواقع مؤسسة اليوم الاعلامية عبر حسابة الرسمى :
لمشاهدة الفيديو عبر الفيس بوك:
https://www.facebook.com/reel/1820042105546819
اصعب واقذر شىء فى الوجود ان ربنا يكون مديلك شوية قوة وتستخدمهم ضد راجل عجوز سنة تعدى ال 65 سنة ومريض قلب وسكر وكلى
وتابع فؤاد :وانت رايح تفترى علية ياخى يلعن ابو الشقق لابو الاملاك لابو الايجار القديم لابو الايجار الجديد ياخى حرام عليك انا النهاردة بالفعل مش اهل السويس بس انا واحد من الناس من ساعة ما شوفت الفيديو دة وتابعت الحادثة دى وانا والله قلبى واجعنى
مضيفا : اصعب شىء فى الوجود ان بنى ادم يتعرض لاهانة قدام ولادة من قبل شخص اقل ما يقال عنة انة بلطجى انا بشكر رحمة بنت الراجل دة على انها وثقت الحادثة لان حقها وحق ابوها كانوا هيضيع
صلاح عبدالله :مهما كانت الاسباب مكانش يحق ليك تعمل كدة
واوضح فؤاد : ومكانش الاخ دة يتقبض علية النهاردة ويتحاسب زى ماكتب فنانا الكبير صلاح عبدالله على حسابة صفحتة الشخصية:
مهما كانت الاسباب والدوافع مينفعش خالص اللى شفناة واتمنى يكون خبر القبض علية صحيح
واضاف عبداللة : ونشوف صورتة فى الحبس وتتردلة الصفعه اضعاف
وتابع عبدالله : روح يابعيد ربنا يعكنن عليك زى ما عكننت علينا
واستطرد فؤاد كلمتة المرئية بعدة اسئلة :يعنى اية عايز تطرد واحد من مسكنة؟ يعنى اية خلافات على السكن والايجار القديم يوصلنا للدرجة دى؟
فؤاد يخاطب الجهات المعنية
يستكمل رئيس التحرير حديثة قائلا: دا اللى ياما حذرنا منة من ساعة ما طلع قانون الايجارات القديمة وزى ما قولنا ان فية شقق فاضية تستحق الاخلاء مينفعش نروح نطرد ناس كبار فى السن من بيوتهم بالطريقة البشعة دى
مستنكرا : انا مش لاقى كلام اقولة الاهانة والقلم اللى اتضربة الراجل الكبير دا لازم يتردلة اضعاف
لمشاهدة الفيديو عبر التيك توك
@www.elmshaher.com محاكمة عاجلة للمعتدى علي مسن السويس وصفعة أمام أبنته لطرده من مسكنة بالقوة . – كوارث قانون الإيجار القديم تتوالي ؟! #قانون_الإيجار_القديم #إعتداء #بلطجة #خالد_فؤاد_الصحفي #جريدة_أسرار_المشاهير
واشار فؤاد الى انة : ضد اللى قالوا اهل السويس ان ااقل شىء يكتبلة الشقة تمليك باسمة والكلام الفارغ دة
دا لازم يتحاكم عشان يكون عبرة لغيرة لان فى ناس كتير من النوعية القذرة دى بتسول لهم انفسهم يروحوا يطردوا السكان حتى قيل انقضاء المدة واللى باذن الله القانون دة لازم يتلغى حفاظا على كرامة الناس وحقوقهم لان فى ملاك بيستخدموا سلطاتهم وقوتهم فى التجبر على المستاجرين البسطاء المرضى وكبار السن
وعلى الصعيد الميدانى تمكنت الأجهزة الأمنية فى مدينة السويس من القبض على المتهم الرئيسي في واقعة الاعتداء على المستأجر المسن ، وذلك عقب تداول مقطع فيديو صادم وثّق لحظة الاعتداء وأثار موجة غضب واسعة على مواقع التواصل الاجتماعي، بحسب صحف محلية.
كما كشفت التحقيقات الأولية أن المتهم، صاحب محل ملابس ومالك العقار بمنطقة الجناين، اعتدى على رجل سبعيني أمام ابنته في محاولة لإجباره على إخلاء الشقة المستأجرة.
