إلهام شاهين عن إعتزال آثار الحكيم: دخلتي الفن ليه طالما مش محترماه
إلهام شاهين عن إعتزال آثار الحكيم: دخلتي الفن ليه طالما مش محترماه
كتبت الاء مؤمن
علقت الفنانة إلهام شاهين على إعتزال آثار الحكيم وتفرغها للعبادة بقول “هي معتزلة من أكثر من 20 سنة ومشفتش لها عمل من مدة طويلة
وبعدين إزاي تفرغها للعبادة طب والسنين اللي فاتت كانت متفرغة برضه وعندها وقت تصلي وتصوم وتعمل اللي هي عاوزاه كلام ملوش معنى.
كما أضافت إلهام شاهين خلال لقاءها ببرنامج “حبر سري” المذاع على شاشة قناة “القاهرة والناس” الذي تقدمه الإعلامية أسما إبراهيم.
كما أكملت: اللي عايز ينسحب ينسحب في هدوء وبدون إعلان مش لازم يعلن
وفيه فنانين كتير عملوا كده مقالوش هنعتزل هي إختفت فخلاص لما تتعرض عليها أعمال مش بتوافق.
وبالتالي إتعرف أنها مش عاوزة تشتغل في هدوء وإحترام للفن من غير ما نتكلم الفن صح ولا غلط ولا حلال ولا حرام ده اللي مش بحب أسمعه منهم.
وتابعت: لو أنت مش محترم المهنة دي دخلتها ليه؟ متدخلهاش من الأساس
وآثار الحكيم متفرغة من زمان ومكنتش بتشتغل وإعلانها الإعتزال ملهوش معنى اللي عاوز يبعد يبعد في هدوء وخلاص.
كما إنتقدت الفنانة إلهام شاهين حديث آثار الحكيم عن التفرغ للعبادة موضحة أنها لم تفهم كلامها: الله أعلم قالته ولا مقالتهوش ولو قالت كده ايه لازمة الإعلان إعتزلي في هدوء ومن غير كلام ضد الفن.
كما أضافت: شادية لما إعتزلت مطلعتش في أي برنامج أو صحافة ولا قالت حلال ولا حرام
هي إختفت وخلاص ومكنتش بترد على تليفونات ولا بتظهر ولا أي حاجة.
وأكدت إلهام شاهين أن يسرا، ليلى علوي تفوقا عليها من فنانات جيلها مبدية محبتها وتقديرها لهما.
كما قالت عن أمنيتها في 2022 قائلة: أمنيتي في 2022 إن السوشيال ميديا تتقفل
و تتلغي ودي أمنية مش هتتحقق لأن الناس بقت عايشة بالسوشيال ميديا.
