“الجوع كافر!!”
كتبتها /أخصائيه نفسيه نرمين الزيات..
اللي مابيديش حب لمراته فيكفيها.. بيجوعها !!
اللي مابتديش حب لجوزها وتحسسه برجولته؛
بتجوعه!
اللي بيعتبر ان العشره كافيه مع مراته من غير
كلام.. بيجوعها!
واللي بتعتبر إنفاقه المادي عليها وانها بتساعده
كفايه وكتر خيرها.. بتجوعه!
اللي بيحسس مراته بالعوّز وانها تبص لكل اللي بيحبوا بعض.. حتي ولو تمثيل ويخليها تصعب عليها نفسها.. بيجوعها!
اللي مستنيه علي طول ان جوزها يحاول يتقرب
وهي (كبرها) مانعها.. بتجوعه!
اللي بيسيب حبيبه في اصعب لحظات حياته،
فقد..خساره .. مرض .. كسره.. إنهيار.. من غير
مايقف جنبه ويطبطب عليه ويشيله ويستحمله،
يبقى.. بيجوعه!
واللي بيسيب اللي بيحبه في احلى وأسعد لحظات حياته.. فرح.. نجاح.. إنجاز.. ومش بيضحك ولا بيبن له سعادته.. يبقي بيجوعه!
وقتها بس هيرفض كل معاني الحب والإحتواء
اللي جت متأخره.. مش هيصدق لو رجعت!!
وقتها بس هيرفض انك عاوز تحاول؛ لأنك
في نفس الوقت …هتبقي كبيره على نفسك تقوله
معلش.. كبرك هيعاندك.. بس في نفس الوقت
هيخسرك.. هيخسرك حد عمرك ماتحس مع حد
زيه بالأمان.. شافك في أصعب لحظاتك.. اتعريت
ادامه.. وشاف عوراتك النفسيه!!
اتوجعت.. وطبطب،
غلطت… وصالح ،
كسرت… وسامح!!
مستنين ايه العمر بيعدي ..العمر هيخلص والوقت بيجري.. مستغربين ليه علاقات بعد عشرين
سنه خلصت؟!
جاعوا… ..وفاقوا…مالقوش ولا حضن يدفيهم
ولا ضهر يسندهم.. ولقوا دنيا فاااااضيه..
الكل عاش.. وهما لأ،
الكل فاهم… وهما لأ،
الكل شبعان.. وهما لأ!!
وكمان …
ماتجوعوش ولادكم… علشان قلوبهم هتبقى زي
الأرض البور.. هتشرب اي حاجه بتتسقيلها!
ماتجوعش مراتك علشان ملهاش بعد ربنا غيرك
ماتجوعش مراتك ذي ما الراجل طفل.. الستات
كلمتين منك يطلعوها السماء.. نفسها تحس بغلاوتها.. خليها تحسها.. ماتجوعيش جوزك وتسيبيه يستني كلمه حلوه ولا طبطبه.. نفسه
يحس بنفسه.. خليه يحسها.. حسوها، اكيد هتفرق.
