حسام حبيب يكسر حاجز الصمت بقوة ويكشف عن حقيقة التسجيل الصوتي لوالدهُ
حسام حبيب يكسر حاجز الصمت بقوة ويكشف عن حقيقة التسجيل الصوتي لوالدهُ
كتبت/ أمنه أحمد إسماعيل
عقب الأزمة الأخيرة التي تعرضت لها النجمة المتألقة ” شيرين عبد الوهاب” بخصوص التسجيل المسرب الخاص بوالد زوجها الفنان ” حسام حبيب” عن الموضوع المتعلقة بالشؤون المالية الخاصة بها، وكشف نوايا والد شريك حياتها عن هذا الأمر، يخرج اليوم النجم “حسام حبيب” عن صمتهُ ويقف معلنًا الحقيقة بكل شفافية ووضوح، وذلك من خلال مقطع فيديو قام بنشره عبر حسابه الشخصي على موقع تبادل الصور والفيديوهات ” الإنستجرام”.
حيث ظهر في بداية مقطع الفيديو وهو بصحبة رفيقة عمرهُ “شيرين” وابنتها مبتسمًا وقائلًا بسخرية عجيبة عن الشائعات التي تم تداولها عبر مواقع السوشيال ميديا بعد سماعهم التسجيل الخاص بوالدهُ:
“هالو، إيه رأيكم فيا وأنا بضحك علي شيرين وواخد الكريدت كارد بتاعها! إيه رأيكم فيا؟ وإيه رأيكم فينا! حلوين صح؟ بكرة هنعمل لكم فيديو من المحكمة”، ومن ثم قامت شيرين بتقبيل زوجها وغادرت الغرفة هي وابنتها بطلب منهُ، ذلك لكي يستكمل ردهُ عن ما حدث.
http://https://www.instagram.com/tv/CQsc2elgqhv/?utm_medium=copy_link
وتابع حسام حديثهُ قائلًا : “أنا عمري ما عملت فيديو ولا اهتميت إني أرد على أي حاجة اتقالت في يوم عليا”، ومن بعدها قام بتقديم كلمة شكرا خاصة لجميع الأحباب الذين كانوا داعمين لهم في هذه الأزمة الحساسة، موكدا أنهم إخواتهُ في الشدة.
وأضاف ” أنا مبحبش أدافع وأقول أنا معملتش لأن أنا أكبر بكتير أخلاقًا، واللي حصل للأسف إن أقرب الناس لينا هما اللي زاقين ناس على ناس برضه قريبين مننا عشان مش عايشين حوالينا، الناس دي كلها كان ليها مصالح إن شيرين تكون منتهكة ومش فاهمة حقوقها ولما جه بني آدم فهم شيرين حقوقها وبقت شيرين هي المسؤولة عملوا كده”.
كما أوضح من خلال حديثهُ بإن هناك شركة مسؤولة عن أعمال زوجته، وحيث أنهُ قال ” شيرين عندها شركة بتدير أعمالها وانا مليش دعوة بيها والناس كلها في السوق عارفين الكلام ده، ناس بروفيشنال شغالين مع شيرين ومبياخدوش أوامر أو إرشادات من حد”.
ومن جانب آخر فقد قال في حق زوجتهُ هذه العبارات الآتية: “شيرين أقدم مني وأنجح مني، ولما بتقولوا كدة بتقللوا من شيرين عبدالوهاب وأنا اتجوزتها وهي شيرين عبدالوهاب أنجح واحدة في الوطن العربي وناجحة ومش محتاجة حد يقولها تعمل إيه ومتعملش ايه، ولو هي حد قالها تعمل إيه يبقى ضيعت تعب السنين هباء، وأعتقد إن شيرين أكبر من كده، أما بالنسبة لأقرب الناس لينا أنا عارف إن عشان شيرين بقت الحمد لله أدرى بأمورها وقادرة تسيطر عليها أكتر وده مموتهم لأنهم مش عارفين يعملوا حاجة أكتر من كدة لأن الحنفية اتقفلت بالبلدي يعني وهم هيفضلوا يعملوا الحاجات دي”.
متابعًا الحديث موكدا : ” الحمد لله أنا دايما بقول لشيرين، وشيرين بتقولي كده، إن ربنا اختارنا لبعض ولما اتنين ربنا اختارهم لبعض لا يمكن يفرقهم إنسان مش سوي ومعتقدش إن فيه إنسان عنده علاقة كويسة بربنا يزق حد على حد واللي اتزق عليه من حقه يتكلم عني كده”.
وفي سياق آخر فإن حسام كان واضحًا للغاية في الرد على ما بدر من أقرب الناس إليه وهو والدهُ، حيث أنهُ قال:
” أنا مش همشي ورا حد بينكر ولا مبينكرش وصوته ولا مش صوته، أنا ميخصنيش الكلام ده، أنا عندي مشكلة في الثقة في الناس اللي حواليا والشخص ده مش أول مرة يأذيني وأنا آسف إني بقول الشخص ده، و أنا مش عايز حد يزعل مني على إني بقول الشخص ده لأني صعب جدا إني أقول الاسم العادي بعد اللي قاله واللي بيعمله أيا كان حد جرجره أو حد سجل له، أنا عندي تسجيل إن صاحبة الموقع اتزقت عليه من 6 شهور”.
ومن جهة أخرى فقد أشار بأن شيرين تعلم جيدًا كافة حقوقها قائلًا : ” شيرين راشدة وعارفة حقوقها وابعدوا عنها وسيبوها تعيش لحياتها وبيتها وفنها وجمهورها وكفاية وإحنا لحد دلوقتي بنقول حسبنا الله ونعم الوكيل وده مش معناه ضعف ولو الحاجات دي استمرت أنا قادر أرد عليها وأجيب حقي بالقانون ومش هيفرق معايا درجة قرابته، أساس القصة وأطراف القصة واللي زق البنت من أقرب الناس لينا ومش هيفرق عندي صلة القرابة إيه لكن هيفرق عندي إنه بيفتري وبيتكلم في الأعراض وجاب سيرة أمي”.
واختتم حديثهُ بقول كلمة ملئية بالمحبة للانسانة التي ربت وضحت من أجله وهي والدته، كما قال في حقها بأنها منبع الأخلاق النبيلة والأصيلة، موكدا أنهُ تعلم منها كل ما هو جيد وأصيل، ومن ثم أضاف في النهاية قائلًا
” أمي والراجل اللي خلفني منفصلين من 30 سنة وهي اللي ربتني وعلمتني وكانت دايما تقولي اسأل عليه ووده مهما أذاك، ومهما عمل، وأنا كنت بعمل كدة لحد آخر لحظة، أنا سألت دينًا وشرعًا لما الأذي يوصل لكدة، لا كدة كفاية أوي وربنا هيجبلنا حقنا”.
