” مشاعر مالهاش كتالوج “
الوجع تقديره متروك لصاحبه، ماينفعش ولا مقبول اننا نهمش او نقلل من احساس الاخرين طالما احنا مش حاسين نفس إحساسهم!!
مين اللي قال إن مشاعرنا معيارها واحد أو
ثابت او حتي استقبالنا ليها ليه كاتالوج بنمشي
عليه؟!
اللي معروف عن المشاعر إنها مالهاش كتالوج
ومختلفه بإختلاف الشخص نفسه، اختبر
مشاعره إزاي وعاش تجربته الخاصه بأي طريقه، فمايجيش حد يقرر لغيره ايه اللي ينفع.
وايه اللي ماينفعش وليه!؟
ترمومتر المشاعر :
مشاعرنا تخصنا وتمام قبولك ليا قبولها، كتير
مننا بيشوف رفض مشاعره رفض ليه شخصيًا
وده هو عنده حق فيه مافيهاش جدال وبتبقي واضحه اكتر مع الاشخاص الاكثر حساسيه والمراهقين..الهشاشة والإنكشاف بتاعهم؛ اكثر حساسيه من غيرهم، عندهم ترمومتر مشاعر بيلقطوا بيه الرفض والقبول، خليكم هينين علي بعض اكتر من كده شويه اقبلوا المشاعر وحطوا حدود للتصرفات بس اقبلوا طالما اتقال لكم (حاسس واتوجعت) يبقى اتوجعت قيراط او عشرين دي مشاعري واحساسي.
صدقوني القبول هياخدكم في حته تانيه حلوه
اوي في العلاقات.. اقبلوا إختلاف أحاسيسنا
اللي مش زي بعضها.
الحساسيه مش وصمه!!
اول خطوه تعملها مع نفسك؛ تقبلها زي ماهيه
ايه المشكله انك حساس.. آه ممكن مشاعرك
اكبر بس برضه اهتمامك بغيرك أكبر، رعايتك
لحبايبك اكبر، خوفك علي زعل الناس أكبر،
فرحتك ليهم اكبر وأكبر،
واوعوا تنسوا سيبوا تقدير الوجع لصاحبه.
#نرمين_الزيات
#اخصائيه_نفسية
مشاعر مالهاش كتالوج
