هنت علي حبايبي …بقلم / محمد أبوزيد

هنت علي حبايبي

بقلم : محمد أبوزيد

فاكر كل كلمه حب ليا

تفتكر اخر مرة اتقبلنا تفتكر وعدك ليا
فاكر نظرة عنيك وهيه بتقول كل كلمه حب ليا
ده انا بقلبي كنت بكتب كل همسه من شفايفك
كنت بقول دي مش حب عادي
دي حب ملك قلبي وهز كياني
كنت بقول عليك كل الدنيا ليا
جيت عوضتني عن عذابي وسهري وطول لياليه
بعد ده كله تبعد من غير حتي ما تقول كلمه ليا
قلبك ده ايه واتعلم القسوة منين
وشوش برئية يطلع من قلوبها كل القسوة دي
بسلم أمري للي خلقني مهو أحن عليه منك ومن كل الدنيا دي .

اه من عذاب قلبي

اه وانا حاسس وشايف حب مالي عنيه
وواخد روحي وغايبه عني
وفي هواة دايبه ولا سأل فيه
اوعي يا قلبي تاني تعيش أوهام
وجرح كبير ولا يداويه أي كلام
عيون جميله خداعه
بريئة من برا لكن من جوة يعلم الله ولا تبص في وشوشهم ساعه .بحن لكل مكان كنت فيه معاك

رحت تاني علي مكان كان بيجمعنا
بصيت شفت قلبي وقلبك هناك دايبين
دمعت عنيه وأفتكرت كل كلامك ليا
وأفتكرت لمسه ايدك وكلها شوق ولهفه عليه
هوه صحيح الحب هان والقلوب من حجر
اوعي ترجع تاني تقولي ظروف
مش هصدقك والكدب في كلامك بان
ليه انا قلبي ضعيف ويقاسي
وليه قلبك من حجر ولا حاسس وناسي
ارجع احن تاني لكلامك واشتاف وابعتلك
مبتردش واعذارك باينه في كلامك
انسي مهو اللي بيحب بجد والله ولا بينسي .

أقرب الناس علي الجرح قادرين

يارب علي الجرح مش قادر مين يسمعك
حبيب باع الهواء
ولا قريب بيهرب منك
ومش عاوز طيف منك يلمحه
يعلم الله ضحيت كتير علشانكم
خدت من جرحكم وذودت جرح تاني فوق جرحي
هوه انا علشان بعيد عن عيونكم
يطلع كل الغدر ده منكم
في الوقت الفرح تفتكروني
ووقت الحزن تبعوني
ووقت الجرح يلا تعالوا صبروني
مش هعيش تاني ليكو
هداوي جرحي وهدوس عليكوا
خلاص يا قلبي بص في السماء
لانها هيه الحبيب والدواء
وانسي ماضيك وعيش لطاعة ربنا
هوه اقرب حد ليك ومين هيحس بيك غير ربنا .

محمد