ورق الخريف..للشاعر أحمد النجار
ورق الخريف
الشاعر أحمد إبراهيم النجار
عشقتك بروحي
لقيتك جروحي
بنتزف ااااهات
نسيتك رميتك
كرهتك طويتك
فى صفحة زماني
فى صفحة كتاب
لأنك مُخادعه
ورسمه البراءة
بصورة ملاك
ودخلك شيطان
وحُضنك عذاب
يا كدبة سنين
يا جرح وأنين
كرهت الليالي
كرهت الساعات
كرهت حضورك
ولحظة ظهورك
يا حبي إللى ماااااااات
رفات الأماني
وحلمي وزماني
معاكِ رماد
وطاير فى ريح
وأصبح سراب
يا أصعب حكايه
وكدبة نهايه
بصمت وسُكااااااات
رحيلك مؤكد
وغدرك بيرسم
ملامح شهيد
غرووووبك أكيد
لأنك مجرد هوامش كتاب
بقصة دموع
صِورها الخداع
وقلبك مراوغ
لقلبي إللى شاب
وحلمي إللى غاب
وغارق فى بحرك
وعُمقك عذاب
المزيد من المشاركات
يا حمله المواجع
بهزة زلازل
وقربك ركام
توابع توابع
برجّت ممات
ومات الحنين
فى مولد أنين
وراح الحنان
وضاعت حاجات
فى فجري الكذوب
يا قاتله القلوب
خريفك طويل
ربيعك مُحال
فى رعشة ضلوع
ماليها الآهات
لأنك هلاك محقق أكيد
نيرانك بتحرق
فى كل المكان
زمانك مكانك
مجرد خريف
بيسكن فى قلبي
فى كل الثواني
فى كل الدقايق
تطووووووول الساعات
خدعتي جرحتي
فى قلبي الضعيف
وورق الخريف
أصبح رماد
وليلك وحالك
بلون السواد
خريفك طويل
يا ورق الخريف
بيدبل بيصرخ
فى لحظة ممات
نسيتك رميتك
كرهتك طويتك
فى صفحة زماني
فى صفحة كتاب
رجوعك خدوعك
ودمعك وشوقك
وندمك شروقك
لا يمحي ليالي
لأنك قُبالي
مجرد سراب
كرهتك كرهتك
بصورتك ملامحك
شطبتك نهائي
فى عمري وميلادي
نسيتك نسيتك
نسيت إللى فات
ورق الخريف
أصبح رماد
