طريقة كبسة لحم بطريقة سهلة ومميزة

مقدمه من الشيف روبا مصطفى

وقت التحضير 30 دقيقه

وقت الطهي 40دقيقه

من اسهل واسرع الوصفات بقدمها مع

صلصة الدقوس السعودى
سلطه الزبادى

الطريقة
لحم مقطع بحجم كبير

أرز بسمتى مغسول ومنقوع حوالى 10 دقائق

حبتين طماطم مخليه مقطعة قطع صغيرة بدون القشر

بصله كبيرة مفرومة

قرن فلفل اخضر حار

2 ليمونة أسود.

بهارات
ملح .. فلفل ..
عود قرفة..
ورق لورا..

فص كبير مستكة..
بهارات كبسة..
قرنفل حب ..
فصين حبهان..

رشة من البهارات السبعة ..
رشة من الكارى..
لون زعفران.

الطريقة
فى ايناء بنضيف زيت ومعلقه زبده وبعد ما تسخن هنضيف المستكة والحبهان وبعد كده ننزل البهارات كلها تتحمص بضيف طعم وريحة جميله للبهارات
بس الزعفران هنضيفه مع الارز …

ونزل عليهم الطماطم المقطعه وقرن الفلفل ونقلب وبعد كده هنزل باللحمه ونقلب كويس جدا لحد ما تاخد من كل البهارات ونزودها ميه سخنه ونسبها تغلى لحد لما تستوى بنضيف الملح واليمون الاسود

ونضيف الارز والزعفران ونظبط الميه عليه والملح وطعم البهارات ولما يغلى نوطى عليه خالص لحد ما يستوى..

ملحوظة

كل كوب ارز بيحتاج كوبين من الميه او حسب نوع الارز والحم يكون سمين وكمان تعمليها بالحم الضانى ع حسب ماتفضلى.

طريقة صلصة الدقوس السعودى عدد 1طماطم كبيره ومعلقه صلصه وقرن فلفل حار جدااا وفلفله خضرا وفصين ثوم وكمون وملح

ومعلقه خل واضربيهم فى الكبه وكده الدقوس بقى جاهز

سلطة_الزبادى
علبة زبادى كبيره خياره مقشره ومقطعه ناعم فص توم مفروم ناعم ورشه ملح وفلفل وربع معلقه صغيره خل ورشه نعناع او نعناع فرش مقطع ناعم وشويه

من زيت الزيتون ونقلبها كويس وسيبيها فى التلاجه لوقت التقديم.